വടകര: താലൂക്കില്‍ വെറ്ററന്‍സ് ഇ.സി.എച്ച്.എസ് & സി.എസ്.ഡി വെല്‍ഫെയര്‍ ഫോറത്തിന്റെ യോഗം നടത്തി. വടകര താലൂക്ക് പ്രസിഡണ്ട് സുനില്‍ ബാബു അധ്യക്ഷത വഹിച്ചു. ജനറല്‍ സെക്രട്ടറി സജീവന്‍ സ്വാഗതം പറഞ്ഞു. ജില്ലാ പ്രസിഡണ്ട് എ. വിശ്വനാഥന്‍ ഉദ്ഘാടനം ചെയ്തു.ഇ.സി.എച്ച്.എസിനെ ക്കുറിച്ചും, എം – പാനല്‍ഡ് ആശുപത്രികളെ കുറിച്ചും അദ്ദേഹം വിശദീകരിച്ചു.
ജില്ലാ ജനറല്‍ സെക്രട്ടറി ഗിരീഷ്.പി, എക്‌സിക്യൂട്ടീവ് മെമ്പർ രമേശന്‍ എം.കെ, രാജന്‍.എ, വിനോദ് കുമാര്‍.കെ എന്നിവര്‍ സംസാരിച്ചു. വടകരയില്‍ ഒരു പോളിക്ലിനിക്ക് ആരംഭിക്കണമെന്ന ആവശ്യം ഉന്നയിച്ചു. വൈസ് പ്രസിഡന്റ് ബാലകൃഷ്ണന്‍ നമ്പ്യാര്‍ നന്ദി പ്രകാശനം നടത്തി.
