മാഹി: പൊതുമരാമത്ത് വകുപ്പില്‍ എന്‍ജിനീയര്‍ ആയി വന്ന് തന്റെ സര്‍വീസ് ജീവിതവഴിയില്‍ മയ്യഴിയില്‍ വലിയ ശിഷ്യസമ്പത്തും സുഹൃത് വലയവും ഉണ്ടാക്കിയെടുത്ത എന്‍ജിനീയര്‍ പി.വി.അനൂപിനെ ഒന്നാം ചരമ വാര്‍ഷിക ദിനത്തില്‍ സുഹൃദ് സംഘം അനുസ്മരിച്ചു. മാഹി റെയില്‍വേ സ്റ്റേഷന്‍ റോഡില്‍ കാപ്പിറ്റോള്‍ വെഡിങ്ങ് സെന്ററില്‍ നടന്ന അനുസ്മരണ ചടങ്ങില്‍ എന്‍ജിനീയര്‍ സലിം അധ്യക്ഷത വഹിച്ചു. ചാലക്കര പുരുഷു, സി.എച്ച് പ്രഭാകരന്‍, ജിനോസ് ബഷീര്‍, സാജിദ ഭാസ്‌കര്‍, സി.എച്ച് സത്യനാഥന്‍, പി.പി അനില്‍കുമാര്‍, കാര്‍ത്തികേയന്‍, പി.ടി.കെ അനൂപ് സംസാരിച്ചു. ശ്രീകുമാര്‍ ഭാനു സ്വാഗതവും, വിനോദ് രയരോത്ത് നന്ദിയും പറഞ്ഞു.
