ജിദ്ദ: ഈ വര്‍ഷത്തെ പരിശുദ്ധ ഹജ്ജ് വളണ്ടിയര്‍ സേവനം ചെയ്ത കൊണ്ടോട്ടി മണ്ഡലത്തിലുള്ള വളണ്ടിയര്‍ അംഗങ്ങളെ ആദരിച്ചു. ശറഫിയ കോളിറ്റി ഓഡിറ്റോറിയത്തില്‍ വെച്ച് നടന്ന ചടങ്ങ് ജിദ്ദ കെ.എം.സി.സി സെന്‍ട്രല്‍ കമ്മറ്റി ചെയര്‍മാന്‍ നിസാം മമ്പാട് ഉദ്ഘാടനം ചെയ്തു. മണ്ഡലം പ്രസിഡന്റ് കെ.കെ മുഹമ്മദ് അധ്യക്ഷത വഹിച്ചു.
മിനായില്‍ ഹജ്ജ് വളണ്ടിയര്‍ സേവനം ചെയ്ത വനിതകള്‍ അടക്കമുള്ള വളണ്ടിയര്‍ അംഗങ്ങളെ ഉപഹാരം നല്‍കി ആദരിച്ചു. ചടങ്ങില്‍ സെന്‍ട്രല്‍ കമ്മറ്റി വൈസ് പ്രസിഡന്റ് ഇസ്മായില്‍ മുണ്ടക്കുളം, സെന്‍ട്രല്‍ കമ്മിറ്റി സെക്രട്ടറി ലത്തീഫ് മുസ്ലാരങ്ങാടി, ജില്ലാ സെക്രട്ടറി ജലാല്‍ തേഞ്ഞിപ്പലം, കെ.പി.അബ്ദുറഹ്‌മാന്‍ ഹാജി, റഷീദ് വാഴക്കാട്, റഹ്‌മത്ത് അലി എരഞ്ഞിക്കല്‍, അബ്ബാസ് മുസ്ലാരങ്ങാടി, ലത്തീഫ് പൊന്നാട്, ശരീഫ് മഞ്ഞപുലത്ത്, ഹബീബ ജാസ്മി എന്നിവര്‍ പ്രസംഗിച്ചു. സൗദി ഹജ്ജ്‌സെല്‍ റജിസ്‌ട്രേഷന്‍ വിഭാഗം കൈകാര്യം ചെയ്ത കൊണ്ടോട്ടി മുനിസിപ്പല്‍ കെ.എം.സി.സി ജനറല്‍ സെക്രട്ടറി കെ.കെ ഫൈറൂസിനെ ചടങ്ങില്‍ ആദരിച്ചു. അന്തരിച്ച മുന്‍മുഖ്യമന്ത്രി ഉമ്മന്‍ചാണ്ടിയുടെ നിര്യാണത്തില്‍ യോഗം അനുശോചിച്ചു. ലത്തീഫ് വാഴയൂര്‍, മജീദ് കൊട്ടപ്പുറം, സലീം വാവൂര്‍ എന്നിവര്‍ പരിപാടികള്‍ക്ക് നേതൃത്വം നല്‍കി. നൗഫല്‍ കോപ്പിലാന്‍ ഖിറാഅത്ത് നടത്തി. ജനറല്‍ സെക്രട്ടറി അന്‍വര്‍ വെട്ടുപ്പാറ സ്വാഗതവും എം.എം മുജീബ് നന്ദിയും പറഞ്ഞു.
