കരിപ്പൂരില്‍ വന്‍ സ്വര്‍ണവേട്ട. ദുബൈയില്‍ നിന്നും ഷാര്‍ജയില്‍ നിന്നും വിവിധ വിമാനങ്ങളില്‍ എത്തിയ നാല് പേര്‍ സ്വര്‍ണവുമായി പിടിയിലായി. രണ്ടര കോടി വിലമതിക്കുന്ന 4580 ഗ്രാം സ്വര്‍ണമിശ്രിതമാണ് ഇവരില്‍ നിന്ന് പിടികൂടിയത്.
പാലക്കാട് കുറ്റനാട് സ്വദേശി പുത്തന്‍വളപ്പില്‍ റിഷാദില്‍ നിന്ന് 1034 ഗ്രാം സ്വര്‍ണമിശ്രിതവും മാനന്തവാടി സ്വദേശി മുഹമ്മദ് ഷാമിലില്‍ നിന്ന് 850 ഗ്രാം സ്വര്‍ണമിശ്രിതവും മലപ്പുറം തവനൂര്‍ സ്വദേശി ചോമയില്‍ മുഹമ്മദ് ഷാഫിയില്‍ നിന്ന് 1537 ഗ്രാം സ്വര്‍ണമിശ്രിതവും തിരുനാവായ സ്വദേശി വെള്ളത്തൂര്‍ ഷിഹാബുദ്ദിനില്‍ നിന്ന് 1159 ഗ്രാം സ്വര്‍ണമിശ്രിതവുമാണ് പിടികൂടിയത്.
