ജസ്റ്റിസ് ആശിഷ് ജെ. ദേശായിയെ കേരള ഹൈക്കോടതി ചീഫ് ജസ്റ്റിസായി നിയമിക്കും. ചീഫ് ജസ്റ്റിസ് ഡോ. ഡി. വൈ. ചന്ദ്രചൂഡ് അധ്യക്ഷനായ സുപ്രീംകോടതി കൊളീജിയത്തിന്റേതാണ് ശുപാര്‍ശ. കേരള ഹൈക്കോടതി ചീഫ് ജസ്റ്റിസ് എസ്. വി. ഭട്ടി സുപ്രീംകോടതി ചീഫ് ജസ്റ്റിസാകുന്ന ഒഴിവിലേക്കാണ് നിയമനം.
നിലവില്‍ ഗുജറാത്ത് ഹൈക്കോടതിയിലെ മുതിര്‍ന്ന ജഡ്ജിയാണ് ജസ്റ്റിസ് ആശിഷ് ജെ. ദേശായി. ഹൈക്കോടതിയിലെ ചീഫ് ജസ്റ്റിസിന്റെ ചുമതല വഹിക്കുന്നതും ജസ്റ്റിസ് ആശിഷ് ജെ. ദേശായി ആണ്. 2011 നവംബറിലാണ് ജസ്റ്റിസ് ആശിഷ് ജെ. ദേശായി ഗുജറാത്ത് ഹൈക്കോടതി ജഡ്ജിയായി നിയമിതനായത്.
