ചെറുവാടി : തെനെങ്ങാപറമ്പ് എന്ന നാട്ടില്‍ നിന്നും ഇതു വരെ മരണപ്പെട്ടുപ്പോയ നാട്ടുകാരുടെ ഫോട്ടോ അടക്കം ഡീറ്റെയില്‍സ് അടങ്ങിയ സപ്ലിമെന്റ് പ്രകാശനം ചെയ്തു.
നാടിന്റെ യശസ്സ് ഉയര്‍ത്തിപ്പിടിച്ച് മരണമടഞ്ഞ നാട്ടുകാരുടെ ഓര്‍മക്കായ് ‘ മണ്മറഞ്ഞ പൊന്‍തൂവലുകള്‍ ‘ എന്ന പേരിലാണ് സപ്ലിമെന്റ് പ്രകാശനം ചെയ്തത്. നാടിന് നഷ്ടപ്പെട്ടുപോയവരെ ഒരിക്കല്‍ കൂടി ഓര്‍മ പുതുക്കാനും പുതുതലമുറക്ക് കൂടി പരിചയപ്പെടുത്തുന്നതിനും വേണ്ടിയാണ് ഈ ബലിപെരുന്നാള്‍ സുദിനത്തില്‍ സപ്ലിമെന്റ് സമര്‍പ്പിക്കുന്നതെന്ന് സപ്ലിമെന്റ് കമ്മിറ്റി ചെയര്‍മാന്‍ റാഷിദ് ചെറുവാടി പറഞ്ഞു.
ചടങ്ങില്‍ ഷരീഫ് അക്കരപ്പറമ്പില്‍, സി.കെ ചെറിയാപ്പു, നിയാസ് എന്‍.കെ, അന്‍വര്‍ സാദത്ത്, ലത്തീഫ് കെ.ടി, ശറഫുദ്ധീന്‍ ടി.പി, ഹുസൈന്‍ വി.പി, അസീസ് പാറപ്പുറത്ത് തുടങ്ങിയവര്‍ സംബന്ധിച്ചു.
