തിരുവനന്തപുരം: കേരളത്തിലെ സർവകലാശാലകളിൽ ഉന്നത പഠനത്തിന് ചേരുന്ന വിദ്യാർഥികൾ ഹാജരാക്കുന്ന അന്യസംസ്ഥാന ബിരുദ സർട്ടിഫിക്കറ്റുകൾ പരിശോധിക്കാൻ എല്ലാ സർവകലാശാലകൾക്കും നിർദേശം നൽകണം എന്നാവശ്യപ്പെട്ട് സേവ് യൂണിവേഴ്സിറ്റി കാമ്പയിൻ. ഈ ആവശ്യം അറിയിച്ച് ഇവർ ഗവർണർക്ക് നിവേദനം നൽകി.
ഉന്നതവിദ്യാഭ്യാസത്തിന് എത്തുന്ന കേരളത്തിൽ നിന്നുള്ള വിദ്യാർഥികളുടെ ഡിഗ്രി സർട്ടിഫിക്കറ്റുകൾ പുറത്തുള്ള സർവകലാശാലകൾ പരിശോധിക്കാറുണ്ട്. എന്നാൽ സംസ്ഥാനത്തെ സർവകലാശാലകളിൽ പുറത്തുനിന്നുള്ള സർട്ടിഫിക്കറ്റുകൾ പരിശോധിക്കുന്നില്ല. ഈ പഴുതുപയോഗിച്ച് വിദ്യാർഥികൾ വ്യാജ സർട്ടിഫിക്കറ്റ് ഉപയോഗിച്ച് കേരളത്തിൽ പ്രവേശനം നേരിടുന്നതായി വ്യാപക ആക്ഷേപമുണ്ടെന്നും സേവ് യൂണിവേഴ്സിറ്റി കാമ്പയിൻ കമ്മറ്റി ആരോപിക്കുന്നു.
ഈ വിഷയം സർവകലാശാലകളുടെ ശ്രദ്ധയിൽ പെടുത്തിയിട്ടും അവർ നടപടി സ്വീകരിക്കുന്നില്ല. ഇക്കാരണത്താലാണ് വ്യാജ ഡിഗ്രികൾ സമ്പാദിച്ച്
കേരളത്തിലെ സർവകലാശാലകളിൽ പലരും ഉപരിപഠനത്തിന് ശ്രമിക്കുന്നതെന്ന് നിവേദനത്തിൽ ചൂണ്ടിക്കാട്ടുന്നു.
