കോഴിക്കോട് : തലക്കുളത്തൂര്‍ വി.കെ റോഡ് എം.ഐ.എല്‍.പി സ്‌കൂളിലെ വായനാദിനാചരണവും വിദ്യാരംഗം കലാസാഹിത്യ വേദിയും കവിയും ഫോക്ലോറിസ്റ്റും ചലച്ചിത്ര പിന്നണിഗായകനുമായ ഗിരീഷ് ആമ്പ്ര ഉദ്ഘാടനം ചെയ്തു. പരിപാടിയുടെ ഭാഗമായി വായനമത്സരം, സാഹിത്യരചന, കവിതാപാരായണം, നാട്ടറിവ് ശില്പശാല എന്നിവയും നടന്നു. പി.ടി.എ പ്രസിഡന്റ് ഷബിനാസ് മുബാറക് ചടങ്ങില്‍ അധ്യക്ഷത വഹിച്ചു. പ്രധാനാധ്യാപിക ഷീജ കെ.കെ സ്വാഗതവും വിദ്യാരംഗം കലാസാഹിത്യവേദി കണ്‍വീനര്‍ എസ്. ശ്രീരൂപ നന്ദിയും പറഞ്ഞു.
