നോളജ് സിറ്റി: മര്‍കസ് നോളജ് സിറ്റിയില്‍ ഉദ്യോഗാര്‍ഥികള്‍ക്കായി ഹയര്‍ സ്പോട്ട് തൊഴില്‍ മേള സംഘടിപ്പിച്ചു. നോളജ് സിറ്റിയിലെ വിവിധ സ്ഥാപനങ്ങളിലും പത്തോളം സ്വകാര്യ കമ്പനികളിലുമായി അഞ്ഞൂറില്‍ പരം തൊഴിലവരങ്ങളിലേക്കാണ് അഭിമുഖം നടന്നത്. ആയരക്കണക്കിന് ഉദ്യോഗാര്‍ഥികള്‍ പങ്കെടുത്തു. തെരഞ്ഞെടുക്കപ്പെടുന്ന യോഗ്യരെ തുടര്‍ നടപടികള്‍ക്കായി പിന്നീട് ബന്ധപ്പെടുമെന്ന് സംഘാടകര്‍ അറിയിച്ചു. മര്‍കസ് നോളജ് സിറ്റി മാനേജിംഗ് ഡയറക്ടര്‍ ഡോ. എ.പി അബ്ദുല്‍ ഹകീം അസ്ഹരി, സി.എ.ഒ അഡ്വ. തന്‍വീന്‍ ഉമര്‍, അക്കാഡമിക് ഡയറക്ടര്‍ ഡോ. അമീര്‍ ഹസന്‍ ഉദ്യോഗാര്‍ഥികളുമായി സംവദിച്ചു.
