കോഴിക്കോട്: മുക്കം മണാശ്ശേരിയില് വീടിനു സമീപത്തെ കല്ലുവെട്ട് കുഴിയില് വീണ് ആറാം ക്ലാസുകാരന് ദാരുണാന്ത്യം. മണാശ്ശേരി നെടുമങ്ങാട് ഓട്ടോ ഡ്രൈവര് സുനില്കുമാറിന്റെ മകന് കാശിനാഥന് ആണ് മരിച്ചത്. കൂട്ടുകാരോടൊപ്പം കളികഴിഞ്ഞ് വൈകീട്ട് വീട്ടിലേക്ക് മടങ്ങിയ കാശിനാഥിനെ ഏറെ നേരം കാണാതായതിനെത്തുടര്ന്ന് വീട്ടുകാരും നാട്ടുകാരും തിരച്ചിലിലായിരുന്നു. ചൊവ്വാഴ്ച രാവിലെ ഒന്പതുമണിയോടെയാണ് മൃതദേഹം കണ്ടെത്തിയത്.
