ചിന്നക്കനാലില്‍ നിന്നും മയക്കുവെടി വെച്ച് പിടികൂടി പെരിയാര്‍ കടുവ സങ്കേതത്തില്‍ തുറന്നുവിട്ട കാട്ടാന അരിക്കൊമ്പന്‍ കുമളി ടൗണിന് സമീപമെത്തി മടങ്ങി. കുമളി ടൗണിന് ആകാശദൂരം ആറ് കിലോമീറ്റര്‍ അകലെ വരെ അരിക്കൊമ്പന്‍ എത്തിയെന്നാണ് സിഗ്‌നലുകളില്‍ നിന്നും വനംവകുപ്പിന് വ്യക്തമായത്.
ഇന്നലെ രാത്രിയിലെ സിഗ്‌നല്‍ പ്രകാരമാണിത്. ടൗണിന് സമീപമെത്തിയ ശേഷം മേദകാനം ഭാഗത്തേക്ക് തന്നെ അരിക്കൊമ്പന്‍ മടങ്ങിയെന്നും വനംവകുപ്പ് അറിയിച്ചു. പെരിയാര്‍ ടൈഗര്‍ റിസര്‍വില്‍ തന്നെയാണ് നിലവില്‍ ആനയുള്ളത്. വനംവകുപ്പ് നിരീക്ഷണം തുടരുകയാണ്.
