കോഴിക്കോട്: കണ്ണൂരില്‍ നടക്കുന്ന ജേര്‍ണലിസ്റ്റ് വോളി ലീഗിനുള്ള കാലിക്കറ്റ് പ്രസ് ക്ലബ് ടീമിന്റെ ജഴ്‌സി മേയര്‍ ഡോ. ബീന ഫിലിപ്പ് പ്രകാശനം ചെയ്തു. ടൂര്‍ണമെന്റില്‍ ചാമ്പ്യന്മാരാകാന്‍ കാലിക്കറ്റിനാകട്ടെയെന്ന് മേയര്‍ ആശംസിച്ചു. കാലിക്കറ്റ് പ്രസ്‌ക്ലബ്ബ് പ്രസിഡന്റ് എം. ഫിറോസ് ഖാന്‍ അധ്യക്ഷത വഹിച്ചു. സ്‌പോണ്‍സര്‍മാരായ ബീക്കണ്‍ സ്‌പോര്‍ട്‌സ് ഡയറക്ടര്‍മാരായ എം.പി.എസ് സജീര്‍, ജംഷിദ്, പ്രസ്‌ക്ലബ് സെക്രട്ടറി പി.എസ്. രാകേഷ്, ട്രഷറര്‍ പി.വി. നജീബ്, ടീം ക്യാപ്റ്റന്‍ ആദര്‍ശ് ലാല്‍ എന്നിവര്‍ സംസാരിച്ചു.
