കോഴിക്കോട്: പി.എന്‍ ഗോപീകൃഷ്ണന്‍ രചിച്ച ‘ഗോഡ്‌സെയും ഹിന്ദുത്വത്തിന്റെ സത്യാനന്തര പരീക്ഷകളും’ എന്ന ഗ്രന്ഥത്തെ അടിസ്ഥാനമാക്കി ഗാന്ധി പീസ് ഫൗണ്ടേഷന്‍ റീഡേഴ്‌സ് ഫോറത്തിന്റെ ആഭിമുഖ്യത്തില്‍ സംവാദം സംഘടിപ്പിച്ചു. വട്ടോളി സംസ്‌കൃതം ഹയര്‍ സെക്കന്‍ഡറി സ്‌കൂള്‍ അധ്യാപകന്‍ കെ. റൂസി പുസ്തകാവതരണം നടത്തി. ഗാന്ധി പീസ് ഫൗണ്ടേഷന്‍ വൈസ് പ്രസിഡന്റ് ടി.ബാലകൃഷ്ണന്‍ മോഡറേറ്ററായി, ഗാന്ധി പീസ് ഫൗണ്ടേഷന്‍ സെക്രട്ടറി യു. രാമചന്ദ്രന്‍ , റീഡേഴ്‌സ് ഫോറം കണ്‍വീനര്‍ എം. രഘുനാഥ്, ഡോ.എസ് രാധ, പി. ശിവാനന്ദന്‍, വി.സുരേന്ദ്രന്‍ , കെ.ജയപ്രകാശ്, വെളിപാലത്ത് ബാലന്‍, എം.വി.എം ഷിയാസ് , സി.പ്രസാദ് എന്നിവര്‍ സംസാരിച്ചു.
