കോഴിക്കോട്: മുതലാളിത്ത ചൂഷണം അനുദിനം വര്‍ധിച്ച് കൊണ്ടിരിക്കുന്ന സാഹചര്യത്തില്‍ ചര്‍ക്കയുടേയും ഖാദിയുടേയും പ്രാധാന്യം ഏറിവരികയാണെന്ന് പയ്യന്നൂര്‍ ചര്‍ക്കാ സംഘം ചെയര്‍മാന്‍ ഇ.എ ബാലന്‍ അഭിപ്രായപ്പെട്ടു. എം.സുരേഷ്ബാബു രചിച്ച ‘ചര്‍ക്കയുടെ ഇതിഹാസം അഥവാ ഗാന്ധിജിയുടെ ഖാദിജീവിതം’ എന്ന ഗ്രന്ഥത്തെ കറിച്ചുള്ള സംവാദത്തില്‍ സംസാരിക്കുകയായിരുന്നു അദ്ദേഹം. ഗാന്ധി പീസ് ഫൗണ്ടേഷന്‍ വൈസ് പ്രസിഡന്റ് ടി.ബാലകൃഷ്ണന്‍ അധ്യക്ഷത വഹിച്ചു. എന്‍.കെ മധുസൂദനന്‍ പുസ്തകാവതരണം നടത്തി. ഗാന്ധി പീസ് ഫൗണ്ടേഷന്‍ സെക്രട്ടറി യു.രാമചന്ദ്രന്‍ , റീഡേഴ്‌സ് ഫോറം കണ്‍വീനര്‍ എം. രഘുനാഥ്, ഡോ.എസ്.രാധ, കെ. അനില്‍കുമാര്‍ , സോമസുന്ദരന്‍, ഗൗരിശങ്കര്‍ പി.പ്രസാദ്, സദാനന്ദന്‍ , കൃഷ്ണപ്രസാദ്, എന്നിവര്‍ സംസാരിച്ചു.
