കോഴിക്കോട് : കലകള്‍, സാഹിത്യം, സ്‌പോര്‍ട്‌സ് എന്നിവയെ പ്രോത്സാഹിപ്പിക്കാന്‍ ലക്ഷ്യമിട്ട് ആരംഭിക്കുന്ന മെലഡീസ് ആന്‍ഡ് മെമ്മറീസിന്റെ ലോഞ്ചിംഗ് പ്രോഗ്രാം നാളെ (ചൊവ്വ) വൈകിട്ട് അഞ്ചുമണിയ്ക്ക് ഹോട്ടല്‍ അളകാപുരിയില്‍ നടക്കും. ഡോ.പീയൂഷ് നമ്പൂതിരിപ്പാട് ഉദ്ഘാടനം ചെയ്യും. സിനിമാ താരം മാമുക്കോയ, ജയ് ട്രേഡ്ഗ്രൂപ്പ് ഓഫ് കമ്പനീസ് മാനേജിങ് ഡയറക്ടര്‍ ജയദീപ് കെ. കെ എന്നിവര്‍ മുഖ്യാതിഥികളാവും.
മെലഡീസ് ആന്‍ഡ് മെമ്മറീസ് പ്രസിഡന്റ് ചന്ദ്രശേഖരന്‍ അധ്യക്ഷത വഹിക്കും. ലോക കേരള സഭാംഗം പി.കെ കബീര്‍ സലാല, അഡ്വ. മോഹന്‍ പൊന്നിയത്ത്, മെലഡീസ് ആന്‍ഡ് മെമ്മറീസ് ജനറല്‍ സെക്രട്ടറി പി.കെ ദേവദാസ് എന്നിവര്‍ സംസാരിക്കും. വിവിധ കലാപരിപാടികള്‍ അരങ്ങേറും.
