കോഴിക്കോട് : കേരള പ്രൈവറ്റ് കോളേജ് ടീച്ചേഴ്‌സ് അസോസിയേഷന്‍ (കെ.പി.സി.ടി.എ) സംസ്ഥാന സമ്മേളനം മാര്‍ച്ച് 11,12 തീയതികളില്‍ കോഴിക്കോട് സ്പാന്‍ ഓഡിറ്റോറിയത്തില്‍ നടക്കുമെന്ന് സംസ്ഥാന പ്രസിഡന്റ് ഡോ.ടി.മുഹമ്മദാലി വാര്‍ത്താസമ്മേളനത്തില്‍ പറഞ്ഞു. സമ്മേളനം മാര്‍ച്ച് 11 ശനിയാഴ്ച രാവിലെ 10.30 ന് പ്രതിപക്ഷനേതാവ് വി.ഡി സതീശന്‍ ഉദ്ഘാടനം ചെയ്യും.
വിദ്യാഭ്യാസ സമ്മേളനം, സര്‍വീസ് സമ്മേളനം, യാത്രയയപ്പ് സമ്മേളനം, സാംസ്‌കാരിക സമ്മേളനം, വെറ്ററന്‍സ് കോണ്‍ക്ലേവ്, മ്യൂചല്‍ എയ്ഡ് ട്രസ്റ്റ് സമ്മേളനം, കലാസന്ധ്യ തുടങ്ങി വിവിധ സെഷനുകള്‍ നടക്കും. സമ്മേളനത്തില്‍ നാനൂറിലധികം പ്രതിനിധികള്‍ പങ്കെടുക്കും. എം.പി മാരായ എം.കെ രാഘവന്‍, വി.കെ ശ്രീകണ്ഠന്‍, അഡ്വ.ടി. സിദ്ദിഖ് എം.എല്‍.എ എന്നിവര്‍ പങ്കെടുക്കും.
വാര്‍ത്താസമ്മേളനത്തില്‍ സ്വാഗതസംഘം ജനറല്‍ കണ്‍വീനര്‍ ഡോ.ടി.കെ. ഉമര്‍ ഫാറൂഖ്, ഡോ.സാജിദ് ഇ.കെ., ഡോ.സംഗീത കെ.എന്നിവരും സംബന്ധിച്ചു.
