മാഹി: മലയാളം ബി.എ പരീക്ഷയില്‍ ഒന്നാം റാങ്ക് നേടിയ തീര്‍ത്ഥ.സിയ്ക്ക് ഗോള്‍ഡ് മെഡല്‍. ഇന്നലെ പോണ്ടിച്ചേരി സര്‍വ്വകലാശാല ആസ്ഥാനത്തെ ജവഹര്‍ലാല്‍ നെഹ്രു ഓഡിറ്റോറിയത്തില്‍ നടന്ന കോണ്‍വക്കേഷനില്‍ തീര്‍ത്ഥ ഗോള്‍ഡ് മെഡലും ബിരുദവും ഏറ്റുവാങ്ങി. മാഹി മഹാത്മാഗാന്ധി ഗവ. ആര്‍ട്‌സ് കോളേജില്‍ ബിരുദപഠനം പൂര്‍ത്തിയാക്കിയ തീര്‍ത്ഥ ഏറണാകുളം മഹാരാജാസ് കോളേജില്‍ ഫൈനല്‍ ഇയര്‍ എം.എ വിദ്യാര്‍ഥിനിയും മലയാളം പൂര്‍വ വിദ്യാര്‍ഥികളുടെ സ്റ്റാര്‍ട്ടപ്പ് സംരംഭമായ ചെമ്പകം ഡിജിറ്റല്‍ സൊല്യൂഷന്‍സിന്റെ മാനേജിംഗ് പാര്‍ട്ണറുമാണ്.
