തിരുവനന്തപുരം: കേരള ബുക്‌സ് ആന്റ് പബ്ലിഷേഴ്‌സ് ഏര്‍പ്പെടുത്തിയ പ്രൊഫ. എരുമേലി പരമേശ്വരന്‍ പിള്ള കഥാ പുരസ്‌കാരം ചെമ്പരത്തി കഥാ സമാഹാരത്തിന്റെ രചയിതാവ് ലതാലക്ഷ്മി, സംസ്ഥാന സാക്ഷരത മിഷന്‍ ഡയരക്ടര്‍ ഡോ. എ.ജി ഒലീനയില്‍ നിന്ന് സ്വീകരിച്ചു. പുകസ സംസ്ഥാന സെക്രട്ടറി എ.ഗോകുലേന്ദ്രന്‍ , പ്രൊഫ. വി.എന്‍ മുരളി, ജഡ്ജിംഗ് കമ്മിറ്റി ചെയര്‍മാന്‍ ഫാദര്‍ (ഡോ.) മാത്യൂസ് വാഴക്കുന്നം പുകസ തിരുവനന്തപുരം ജില്ലാ സെക്രട്ടറി സി.അശോകന്‍ എന്നിവര്‍ ചടങ്ങില്‍ പങ്കെടുത്തു. 15001 രൂപയും പ്രശസ്തി പത്രവും ആര്‍ട്ടിസ്റ്റ് ഗുരുകുലം ബാബു രൂപകല്‍പന ചെയ്ത ശില്‍പവും അടങ്ങിയതാണ് പുരസ്‌കാരം. ജോസഫ് മുണ്ടശ്ശേരി ഫൗണ്ടേഷനിലായിരുന്നു പുരസ്‌കാര വിതരണ ചടങ്ങ്.
