കോഴിക്കോട്: ദേശീയ ശിശു ക്ഷേമ സംഘടനയായ നാഷണല്‍ ചൈല്‍ഡ് ഡെവലപ്പ്മെന്റ് കൗണ്‍സിന്റെ ആഭിമുഖ്യത്തില്‍ കാന്‍സര്‍ ബോധവല്‍ക്കരണ പരിപാടി സംഘടിപ്പിച്ചു. സ്‌കൂള്‍ തലത്തില്‍ തന്നെ ബോധവല്‍ക്കരണം ആരംഭിക്കണം. മായം കലര്‍ന്ന ഭക്ഷ്യവസ്തുക്കള്‍ക്ക് നിയന്ത്രണം ഏര്‍പ്പെടുത്തുമ്പോള്‍ തന്നെ ജനങ്ങള്‍ക്ക് വീണ്ടും വീണ്ടും അവബോധം നല്‍കണമെന്ന് എന്‍.സി.ഡി.സി മാസ്റ്റര്‍ ട്രെയിനര്‍ ബാബാ അലക്സാണ്ടര്‍ പറഞ്ഞു. രോഗത്തെക്കുറിച്ചുള്ള അവബോധം ആളുകള്‍ക്ക് നല്‍കണം, അതേസമയം, സന്തോഷകരമായ മാനസികാവസ്ഥയ്ക്ക് പുറമേ, ഉചിതമായ ഭക്ഷണം കഴിക്കേണ്ടത് പ്രധാനമാണെന്ന് അംഗങ്ങള്‍ അഭിപ്രായപ്പെട്ടു.
കാന്‍സര്‍ ബാധിതരായ കുട്ടികളില്‍ 80% രോഗശമന നിരക്ക് ഉണ്ട്. ക്യാന്‍സറിന്റെ തരത്തെക്കുറിച്ചും അതിന്റെ ചികിത്സയെക്കുറിച്ചുമുള്ള അവബോധം എന്‍ജിഒകളും ആശുപത്രി അധികൃതരും ഉചിതമായി നല്‍കേണ്ടതുണ്ടെന്നും അംഗങ്ങള്‍ അഭിപ്രായപ്പെട്ടു. എന്‍.സി.ഡി.സി പ്രോഗ്രാം കോര്‍ഡിനേറ്റര്‍ ഡോ ശ്രുതി ഗണേഷ്, എന്‍.സി.ഡി.സി റീജിയണല്‍ അഡ്മിനിസ്ട്രേറ്റര്‍ മുഹമ്മദ് റിസ്വാന്‍, അധ്യാപികമാരായ സുധ മേനോന്‍, ബിന്ദു സരസ്വതി ഭായ്തു തുടങ്ങിയവര്‍ പങ്കെടുത്തു.
