കോഴിക്കോട്: ഈ മാസം 23 മുതല്‍ 28 വരെ കോഴിക്കോട് ബീച്ചില്‍ വച്ച് നടക്കുന്ന 25ാമത് വേള്‍ഡ് ഫൂട്ട് വോളി ചാംപ്യന്‍ഷിപ്പിന്റ വെബ്‌സൈറ്റ് കായികവകുപ്പ് മന്ത്രി വി.അബ്ദുറഹിമാന്‍ ഉദ്ഘാടനം ചെയ്തു. ഓര്‍ഗനൈസിങ് കമ്മിറ്റി വൈസ് ചെയര്‍മാന്‍ സുബൈര്‍ കൊളക്കാടന്‍ അധ്യക്ഷത വഹിച്ചു. ഓര്‍ഗനൈസിങ് സെക്രട്ടറി എ.കെ മുഹമ്മദ് അഷ്റഫ്, ആര്‍.ജയന്ത് കുമാര്‍ , എം.എ സാജിദ് എന്നിവര്‍ സംസാരിച്ചു. കോ- ഓര്‍ഡിനേറ്റര്‍ സി.റമീസ് അലി സ്വാഗതവും ഓര്‍ഗനൈസിങ് കമ്മിറ്റി ജോയിന്റ് സെക്രട്ടറി സി.പി.എ റഷീദ് നന്ദിയും പറഞ്ഞു.
