കോഴിക്കോട്: ജില്ലയിലെ സൈനിക കൂട്ടായ്മയായ കാലിക്കറ്റ് ഡിഫന്‍സ് സ്റ്റേറ്റ് ആന്‍ഡ് കെയര്‍ സംഘടിപ്പിക്കുന്ന സ്‌നേഹസ്പര്‍ശം 26ന് രാവിലെ 9.15ന് ബാലുശ്ശേരിയിലെ ഗ്രീന്‍ അറീന കണ്‍വെന്‍ഷന്‍ സെന്ററില്‍ നടക്കും. കേണല്‍ ഡി നവിന്‍ ബെന്‍ജിത്ത് (കമാന്‍ഡിങ് ഓഫിസര്‍ 122 ഇന്‍ഫന്ററി, മദ്രാസ്) ഉദ്ഘാടനം നിര്‍വഹിക്കും. ശ്രീജിത്ത്.എസ് (സംസ്ഥാന അധ്യാപക ജേതാവ്, പാലോറ ഹയര്‍ സെക്കന്‍ഡറി സ്‌കൂള്‍), മുഖ്യപ്രഭാഷണം നടത്തും. അനില്‍ ടി.കെ പൈതോത്ത് (പ്രസിഡന്റ് സി.ഡി.ടി.സി) അധ്യക്ഷത വഹിക്കും. ഷജില്‍ യു.കെ (സംസ്ഥാന അധ്യാപക അവാര്‍ഡ് ജേതാവ്, ബാലുശ്ശേരി ഗവ. ഗേള്‍സ് ഹയര്‍സെക്കന്‍ഡറി സ്‌കൂള്‍), എം.കെ സുരേഷ് കുമാര്‍ (സര്‍ക്കിള്‍ ഇന്‍സ്‌പെക്ടര്‍, ബാലുശ്ശേരി പോലിസ് സ്‌റ്റേഷന്‍), ജസ്റ്റിന്‍ കാളിദാസ് (സിനിമ സംഗീത സംവിധായകന്‍), തങ്കയം ശശി (കലാസാംസ്‌കാരി പ്രവര്‍ത്തകന്‍) എന്നിവര്‍ ആശംസകള്‍ നേരും. തുടര്‍ന്ന് ആദരിക്കല്‍, സഹായധനം കൈമാറല്‍, ഉപഹാര സമര്‍പ്പണം എന്നിവ നടക്കും. സി.ഡി.ടി.സി വൈസ് പ്രസിഡന്റ് സുധീഷ് മൊകവൂര്‍ ആമുഖപ്രഭാഷണം നടത്തും. സിഡിസിറ്റി സെക്രട്ടറി നിപുണ്‍ കടിയങ്ങാട് സ്വാഗതവും ഹരിദാസന്‍ കൂമുള്ളി നന്ദിയും പറയും.
