കോഴിക്കോട്: സംസ്ഥാന സ്‌കൂള്‍ കലോത്സവത്തില്‍ ആതിഥേയരായ കോഴിക്കോടിന് കിരീടം. നിലവിലെ ചാംപ്യന്മാരായ പാലക്കാടിനെയും 22 വര്‍ഷത്തിന് ശേഷം സുവര്‍ണ കിരീടം സ്വപ്‌നം കണ്ട കണ്ണൂരിനെയും മറികടന്നാണ് കോഴിക്കോട് സുവര്‍ണകപ്പില്‍ മുത്തമിട്ടത്. ഇരുപതാം തവണയാണ് കോഴിക്കോട് കലാകിരീടം നേടുന്നത്.
945 പോയിന്റ് നേടിയാണ് കോഴിക്കോട് സുവര്‍ണ കപ്പില്‍ മുത്തമിട്ടത്. രണ്ടാം സ്ഥാനത്തുള്ള കണ്ണൂരിന് 925 പോയിന്റാണ് ഉള്ളത്. നിലവിലെ ജേതാക്കളായിരുന്ന പാലക്കാടിന് 925 പോയിന്റ് നേടാന്‍ മാത്രമേ കഴിഞ്ഞുള്ളൂ.
സ്‌കൂള്‍ കിരീടം പാലക്കാടിന്. തുടര്‍ച്ചയായ 10ാം വര്‍ഷമാണ് പാലക്കാട് സ്‌കൂള്‍ കിരീടം നേടുന്നത്.
