കോഴിക്കോട്: മഹാത്മാ ഗാന്ധിയെ ഏറെ സ്വാധീനിക്കുകയും, തന്റെ അഹിംസാ സിദ്ധാന്തത്തിന് പശ്ചാത്തലമാവുകയും ചെയ്ത സര്‍ എഡ്വിന്‍ ആര്‍നോള്‍ഡ് രചിച്ച ലൈറ്റ് ഓഫ് ഏഷ്യ എന്ന ഗ്രന്ഥത്തെ ആസ്പദമാക്കി ഗാന്ധി പീസ് ഫൗണ്ടേഷന്റെ ആഭിമുഖ്യത്തില്‍ സംവാദം സംഘടിപ്പിച്ചു. അഡ്വ.പ്രദീപന്‍ കുതിരോട് അവതരണം നടത്തി. ഗാന്ധി പീസ് ഫൗണ്ടേഷന്‍ വൈസ് പ്രസിഡന്റ് ടി. ബാലകൃഷ്ണന്‍ അധ്യക്ഷത വഹിച്ചു. സെക്രട്ടറി യു. രാമചന്ദ്രന്‍ , പി. പുരുഷോത്തമന്‍, കെ. റൂസി, ബാലകൃഷ്ണന്‍ വിഷ്‌ണോത്ത്, വെളിപാലത്ത് ബാലന്‍, അഡ്വ. ലൂക്കാ ജോസഫ് , സി. പ്രസാദ്, പി.ശിവാനന്ദന്‍ എന്നിവര്‍ പ്രസംഗിച്ചു.
