മാഹി: ജനുവരി 12, 13, 14 തിയതികളിലായി നടക്കുന്ന മാഹി മേഖലാ ബാല കലാമേളയുടെ വെബ്‌സൈറ്റ് ഉദ്ഘാടനം റീജിയണല്‍ അഡ്മിനിസ്‌ട്രേറ്ററും ബാലകലാമേളയുടെ മുഖ്യ രക്ഷാധികാരിയുമായ ശിവ് രാജ് മീണ നിര്‍വഹിച്ചു. കൂടാതെ പ്രോഗ്രാം കമ്മറ്റി ഓഫീസിന്റെ ഉദ്ഘാടനകര്‍മ്മം മാഹി സി.ഇ.ഒയും മേളയുടെ ചെയര്‍മാനുമായ ഉത്തമ രാജ് മാഹിയും നിര്‍വഹിച്ചു. ജെ.എന്‍.ജി.എച്ച്.എസ്.എസ്സില്‍ വച്ചു നടന്ന യോഗത്തില്‍ വൈസ് പ്രിന്‍സിപ്പാള്‍ തനൂജ എം.എം, ജനറല്‍ കണ്‍വീനര്‍ കെ. പ്രേമാനന്ദന്‍ മാസ്റ്റര്‍, പ്രോഗ്രാം കമ്മറ്റി കണ്‍വീനര്‍ ഡോ. കെ. ചന്ദ്രന്‍ , ജോയിന്റ് പി.ടി.എ പ്രസിഡന്റ് ഷാനിദ് മേക്കുന്ന്, പി.ടി.എ പ്രസിഡന്റ് ഹാരിസ് വി.കെ. എന്നിവര്‍ സംസാരിച്ചു. കെ.പി സുധീര്‍ വെബ്‌സൈറ്റിന്റെ പ്രവര്‍ത്തനങ്ങള്‍ വിശദീകരിച്ചു.
