ബാങ്കോക്ക്: തായ്‌ലാന്‍ഡ് യുദ്ധക്കപ്പല്‍ കടലില്‍ മുങ്ങി. തായ്‌ലാന്‍ഡ് നാവികസേനയുടെ സുഖോ തായി എന്ന യുദ്ധക്കപ്പലാണ് തായ്ലന്‍ഡ് ഉള്‍ക്കടലില്‍ മുങ്ങിയത്. പ്രക്ഷുബ്ധമായ കടലില്‍ കപ്പലിന്റെ ഇലക്ട്രിക് സംവിധാനം തകരാറിലായതാണ് അപകട കാരണം എന്നാണ് പ്രാഥമിക നിഗമനം. മൂന്നു യുദ്ധക്കപ്പലുകളും നിരവധി ഹെലികോപ്റ്ററുകളും രക്ഷാപ്രവര്‍ത്തനത്തില്‍ പങ്കെടുക്കുന്നതായി തായ്ലന്‍ഡ് നാവികസേനാ വക്താവ് പറഞ്ഞു.
കപ്പലില്‍ ഉണ്ടായിരുന്ന 106 പേരില്‍ 75 പേരെയും ദൗത്യസേന രക്ഷപ്പെടുത്തി. ബാക്കിയുള്ള 31 പേരെ രക്ഷിക്കാന്‍ ശ്രമം തുടരുകയാണ്. 1987 മുതല്‍ തായി നാവികസേന ഉപയോഗിക്കുന്ന അമേരിക്കന്‍ നിര്‍മിത യുദ്ധക്കപ്പലാണ് അപകടത്തില്‍പ്പെട്ടത്.
