കോഴിക്കോട്: രണ്ട് ദിവസങ്ങളിലായി സംഘടിപ്പിക്കുന്ന ജില്ലാ ത്രോബോള്‍ ചാമ്പ്യന്‍ഷിപ്പ് ചെലവൂര്‍ കോര്‍പറേഷന്‍ മിനി സ്റ്റേഡിയത്തില്‍ ആരംഭിച്ചു. ജില്ലാ സ്‌പോര്‍ട്‌സ് കൗണ്‍സില്‍, ത്രോബോള്‍ അസോസിയേഷന്‍ എന്നിവരുടെ ആഭിമുഖ്യത്തില്‍ നടക്കുന്ന ചാമ്പ്യന്‍ഷിപ്പ് സംസ്ഥാന സ്‌പോര്‍ട്‌സ് കൗണ്‍സില്‍ മെമ്പര്‍ ടി.എം അബ്ദുള്‍ റഹിമാന്‍ ഉദ്ഘാടനം ചെയ്തു. ജില്ലാ സ്‌പോര്‍ട്‌സ് കൗണ്‍സില്‍ മെമ്പര്‍ എ.മൂസ ഹാജി അധ്യക്ഷത വഹിച്ചു, പി.ദില്‍ന , എം.വി മുഹമ്മദ് ഇസാഹ്, ശ്രീജി കുമാര്‍ പൂനൂര്‍, സി.എം ആലി എന്നിവര്‍ സംസാരിച്ചു. ത്രോബോള്‍ അസോസിയേഷന്‍ ജില്ലാ സെക്രട്ടറി ആദര്‍ശ് സ്വാഗതവും ട്രഷറര്‍ ഷാജാസ് ടി.എ നന്ദിയും പറഞ്ഞു. ജില്ലയില്‍ അംഗീകാരം ലഭിച്ച 28 ക്ലബുകള്‍, ഹയര്‍ സെക്കന്ററി സ്‌കൂളുകളില്‍ നിന്നായി 240ലേറെ മത്സരാര്‍ത്ഥികള്‍ പങ്കെടുക്കും.
