മാഹി: എക്‌സല്‍ സ്‌കൂള്‍ കായികമേള സമാപിച്ചു. ഡോ.കെ.പി.പ്രശോബിത്ത് ഉദ്ഘാടനം ചെയ്ത കായികമേളയില്‍ പൃഥ്വി, ജലം, വായു, അഗ്‌നി എന്നീ നാല് ഹൗസുകള്‍ വര്‍ണ്ണാഭമായ മാര്‍ച്ച് പാസ്റ്റ് നടത്തി. ഡോ.പ്രശോബിത്ത് വിദ്യാര്‍ത്ഥികളെ അഭിസംബോധന ചെയ്തു. അന്താരാഷ്ട്ര ഫെന്‍സിങ് താരം വി.പി കനകലക്ഷ്മി സ്പോര്‍ട്സ് ദീപശിഖ തെളിയിച്ചു. സ്പോര്‍ട്സ് വൈസ് ക്യാപ്റ്റന്‍ വി.പി.ധ്യാന ദിലീപ് അത്‌ലറ്റുകള്‍ക്ക് സത്യവാചകം ചൊല്ലിക്കൊടുത്തു. ഡംബെല്‍സ്, ലെസിം, എയ്‌റോബിക് നൃത്തം എന്നിവയുണ്ടായി. 100 മുതല്‍ 1500 മീറ്റര്‍ വരെ ഓട്ടമത്സരം, ലോങ്ജമ്പ് ,ഡിസ്‌കസ് ത്രോ, ഷോട്ട്പുട്ട് ഇനങ്ങളില്‍ മത്സരം നടന്നു. പ്രിന്‍സിപ്പാള്‍ സതി എം.കുറുപ്പ് , പി.ടി.എ പ്രസിഡന്റ് കെ.വി കൃപേഷ് സംസാരിച്ചു. കായികാധ്യാപകരായ തീര്‍ത്ഥാ ഷാജ്, വിഷ്ണു ദയാനന്ദ്, അക്ഷയ്, അനുശ്രീ എന്നിവര്‍ നേതൃത്വം നല്‍കി.
