ഗായകന്‍ സതീഷ് ബാബുവും റഫി ഫെയിം സൗരവ് കിഷനും നയിക്കുന്നു
കോഴിക്കോട്: പഴയ കാല സൂപ്പര്‍ ഹിറ്റ് ഹിന്ദി ഗാനങ്ങള്‍ കോര്‍ത്തിണക്കി ഒരുക്കുന്ന സംഗീതവിരുന്ന് യാദിന്‍ 10 വര്‍ഷം പിന്നിടുന്നു. സംഗീത യാത്രയുടെ 10 വാര്‍ഷികം മെര്‍മ്മര്‍ ഇറ്റാലിയ യാദേന്‍ മ്യൂസിക് ഷോ നവംബര്‍ 26ന് ശനിയാഴ്ച വൈകുന്നേരം 6.30ന് ടാഗോര്‍ ഹാളില്‍ നടക്കും. പിന്നണി ഗായകന്‍ സതീഷ് ബാബുവും മുഹമ്മദ് റഫി ഫെയിം സൗരവ് കിഷനും യാദേന്‍ ഷോ നയിക്കും. ഗോപിക മേനോന്‍, എസ്.കെ കീര്‍ത്തന, ദീജു ദിവാകര്‍, അഷ്‌ക്കര്‍ എന്നിവരും ഗാനങ്ങള്‍ ആലപിക്കും. മുഹമ്മദ് റഫി, കിഷോര്‍ കുമാര്‍, മുകേഷ്, ലതാ മങ്കേഷ്‌ക്കര്‍, യേശുദാസ് എന്നിവരുടെ സൂപ്പര്‍ ഹിറ്റ് ബോളിവുഡ് ഗാനങ്ങളാണ് അവതരിപ്പിക്കുക. പ്രവേശനം പാസ് മൂലം നിയന്ത്രിക്കും.
