കൊടിയത്തൂര്‍: നോ ടു ഡ്രഗ് ബോധവല്‍ക്കരണ ക്യാമ്പയിന്‍ പരിപാടി ലഹരിക്കെതിരേ എസ്.കെ.യു.പി സ്‌കൂള്‍ വിദ്യാര്‍ഥികള്‍ തീര്‍ത്ത ചങ്ങല കൊടിയത്തൂര്‍ ഗ്രാമ പഞ്ചായത് മെമ്പര്‍ ഫസലുറഹ്മാന്‍ വിസമ്മതത്തിന്റെ കൈപ്പട ചാര്‍ത്തി ഉദ്ഘാടനം ചെയ്തു. പി.ടി.എ പ്രസിഡന്റ് ഗുലാം ഹുസൈന്‍ അധ്യക്ഷത വഹിച്ചു. വൈസ് പ്രസിഡന്റ് കെ.എം അബ്ദുല്‍ ഹമീദ്, പ്രധാനാധ്യാപിക എ.കെ ഖദീജ, മമ്മദ് കുട്ടി മാസ്റ്റര്‍ സംസാരിച്ചു. പി.സി മുജീബ് റഹ്മാന്‍ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. മനുഷ്യത്വത്തിന്റെ ശത്രുവായ ലഹരി ദുര്‍ഭൂത രൂപത്തിന്റെ പ്രതീതാത്മക കോലം കത്തിച്ചു. പി.മുഹമ്മദ്, മജീദ് പൂത്തൊടി,ശാമില്‍ റബാഹ്, തസ്‌നീം മുഹമ്മദ് നേതൃത്വം നല്‍കി.
