മാഹി: നീന്തല്കുളത്തിലെ അത്ഭുത ബാലനായ മാഹി ചൂടിക്കോട്ട ഗവ.എല്.പി സ്കൂള് വിദ്യാര്ഥി അലോക് കൃഷ്ണയെ മാര്യേജ്, റിയല് എസ്റ്റേറ്റ്-ബ്രോക്കേഴ്സ് യൂണിയന് കോഴിക്കോട് ജില്ലാ സമ്മേളന വേദിയില് അനുമോദിച്ചു. നാദാപുരം മര്ച്ചന്റ്സ് അസോസിയേഷന് ഹാളില് നടന്ന ചടങ്ങില് സംസ്ഥാന സെക്രട്ടറി കെ.പി വിനോദ് ഉപഹാരം നല്കി. ജില്ലാ പ്രസിഡന്റ് ടി.കെ അശോകന് അധ്യക്ഷത വഹിച്ചു. ടി.വി ലക്ഷ്മണന്, ശശി എടമന, രമാദേവി സംസാരിച്ചു.
