കോഴിക്കോട്: ലിപി പബ്ലിക്കേഷന്‍സ് പ്രസിദ്ധീകരിച്ച മഹതി ആയിഷ ബിന്‍ത് അബ്ദുള്ള കക്കോടന്‍ രചിച്ച ‘മുഹമ്മദ്നബി(സ) മാതൃകാ ജീവിതം ഇസ്ലാമിന്റെ ചരിത്രത്തിലൂടെ’ എന്ന ജീവചരിത്ര ഗ്രന്ഥം പ്രകാശനം ചെയ്തു. പാണക്കാട് സയ്യിദ് ബഷീറലി ശിഹാബ് തങ്ങള്‍ പ്രകാശന കര്‍മം നിര്‍വഹിച്ചു. ജനാബ് മൊയ്തു നദ്വി അല്‍ ഫുര്‍ഖാനി മണലായ ആദ്യപ്രതി ഏറ്റുവാങ്ങി. നവാസ് പൂനൂര്‍ അധ്യക്ഷത വഹിച്ചു. സി.പി ചെറിയ മുഹമ്മദ്, ബഷീര്‍ തിക്കോടി , ലിപി അക്ബര്‍ ആശംസകള്‍ അര്‍പ്പിച്ചു. എം.എ സുഹൈല്‍ സ്വാഗതവും ബീരാന്‍ കോയ നന്ദിയും പറഞ്ഞു.
