മാഹി: നവമാധ്യമങ്ങള്‍ കീഴ്‌പ്പെടുത്തിയ പുതിയ കാലത്തില്‍ നഷ്ടപ്പെട്ടുപോയ കത്തെഴുത്ത് ഒരിക്കല്‍ കൂടി കുട്ടികള്‍ മടക്കിക്കൊണ്ടു വന്നു. ചാലക്കര എക്‌സല്‍ പബ്ലിക് സ്‌കൂളിലെ നാലാം ക്ലാസിലെ വിദ്യാര്‍ഥികളാണ് പോസ്റ്റോഫീസ് സന്ദര്‍ശിച്ചത്. കുട്ടികള്‍ക്ക് സന്ദര്‍ശനം ഏറെ കൗതുകമായിരുന്നു. മലയാള അധ്യാപികമാരായ പ്രസീന, ഷൈജ എന്നിവര്‍ നേതൃത്വം നല്‍കി. കോ-ഓര്‍ഡിനേറ്റര്‍മാരായ സുശാന്ത് കുമാര്‍, ജാസ്മിന , രാജേഷ്, അധ്യാപികമാരായ ബിന്ദു, അനുഷ, വി. അക്ഷയ് കുമാര്‍, എന്നിവര്‍ കുട്ടികളോടൊപ്പം പോസ്റ്റോഫീസ് സന്ദര്‍ശിച്ചു.
