പട്ടാമ്പി: ഓണാഘോഷത്തോടനുബന്ധിച്ച് പട്ടാമ്പി ഗുരുവായൂര്‍ റോഡിലെ ഹാര്‍വെസ്റ്റേ ഓഫീസ് പരിസരത്ത് സംഘടിപ്പിച്ചു വരുന്ന പൂക്കള മത്സരത്തിന്റെ ആറാം ദിവസമായ ഇന്ന് പൂക്കള മത്സരത്തില്‍ പങ്കെടുത്തത് ടീം സ്‌നേഹപൂര്‍വമാണ്. ടീം മാനേജര്‍ സുനിലിന്റെ നേതൃത്വത്തില്‍ പ്രജീഷ്, ഹരികൃഷ്ണന്‍, സൗമ്യ, സ്‌നേഹ, സഞ്ജയ് കൃഷണ എന്നിവരാണ് സ്‌നേഹപൂക്കളം തീര്‍ത്തത്. അത്തം നാള്‍ തുടങ്ങിയ പൂക്കള മത്സരം ഉത്രാടദിനത്തോടെ സമാപിക്കുമെന്ന് സംഘാടകരായ പ്രിയ പ്രസാദും അഖിലും അറിയിച്ചു.
