ന്യൂമാഹി: എസ്.എസ്.എല്‍.സി/ പ്ലസ് ടു പരീക്ഷകളില്‍ ഫുള്‍ എ പ്ലസ് നേടിയ ബാങ്കിന്റെ പ്രവര്‍ത്തന പരിധിയിലുള്ള മുഴുവന്‍ വിദ്യാര്‍ത്ഥി പ്രതിഭകളേയും പുന്നോല്‍ സര്‍വിസ് സഹകരണ ബാങ്ക് അനുമോദിച്ചു. ബാങ്ക് ഓഡിറ്റോറിയത്തില്‍ നടന്ന അനുമോദന ചടങ്ങ് സഹകരണ വകുപ്പ് അസി: രജിസ്ട്രാര്‍ എം.കെ നിഖില്‍ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡണ്ട് എം.കെ സെയ്ത്തുന്‍ അധ്യക്ഷത വഹിച്ചു. വാര്‍ഡ് മെംബര്‍ കെ.കെ ഷഹദിയ, ഡയറക്ടര്‍ കെ. രത്‌നകുമാര്‍ സംസാരിച്ചു. പ്രസിഡണ്ട് കെ.എം രഘുരാമന്‍ സ്വാഗതവും, സെക്രട്ടറി കെ.വി സന്തോഷ് കുമാര്‍ നന്ദിയും പറഞ്ഞു.
