പട്ടാമ്പി: അത്തം മുതല്‍ ഉത്രാടം വരെ പട്ടാമ്പി ഗുരുവായൂര്‍ റോഡിലെ ഹാര്‍വെസ്റ്റേ ഓഫീസ് പരിസരത്ത് സംഘടിപ്പിച്ചു വരുന്ന പൂക്കള മത്സരം ജനശ്രദ്ധയാകര്‍ഷിക്കുന്നു. നാലാം ദിവസമായ വിശാഖം നാളിലെ പൂക്കളം ഒരുക്കിയത് പട്ടാമ്പിയിലെ ടീം മൈ ഷഹനാസാണ്. കഥകളിയും കേരവൃക്ഷവും ചുണ്ടന്‍ വള്ളവുമെല്ലാം പൂക്കളില്‍ തീര്‍ത്ത് പൂക്കളം മനോഹരമാക്കിയത് അഞ്ജു, ദേവു, ശരത്ത് ലാല്‍, സായൂജ് എന്നിവരടങ്ങിയ സംഘമാണ്. മൈ ഷഹനാസ് ടീം മാനേജര്‍ മിനി മത്സരത്തിന് നേതൃത്വം നല്‍കി.
