കോട്ടക്കല്‍: സ്വാതന്ത്ര്യത്തിന്റെ 75ാമത് വാര്‍ഷികം സമുചിതമായി ആഘോഷിക്കുന്നതിന്റെ ഭാഗമായി കോട്ടക്കല്‍ ആര്യവൈദ്യശാലയുടെ എല്ലാ യൂണിറ്റുകളിലും 13മുതല്‍ 15വരെ ദേശീയ പതാക ഉയര്‍ത്തുകയും, വൈദ്യുതാലങ്കാരം നടത്തുകയും ചെയ്തു. 13 ശനിയാഴ്ച രാവിലെ 8.30ന് ആര്യവൈദ്യശാലയുടെ ചാരിറ്റബിള്‍ ഹോസ്പിറ്റലില്‍ നിന്നും 75 പേര്‍ വാദ്യഘോഷങ്ങളുടെ അകമ്പടിയോടുകൂടി പദയാത്രയായി കൈലാസ മന്ദിരാങ്കണത്തില്‍ എത്തിച്ചേരുകയും തുടര്‍ന്ന് മാനേജിങ് ട്രസ്റ്റി ഡോ.പി.എം വാരിയര്‍ പതാക ഉയര്‍ത്തുകയും ചെയ്തു. തുടര്‍ന്ന് ആയുര്‍വേദിക് ഹോസ്പിറ്റല്‍ ആന്‍ഡ് റിസര്‍ച്ച് സെന്റര്‍, ഹെഡ് ഓഫിസ്/ഫാക്ടറി, ചാരിറ്റബിള്‍ ഹോസ്പിറ്റല്‍, മാര്‍ക്കറ്റിങ്ങ്, ഒ.പി ഡിപ്പാര്‍ട്ട്‌മെന്റ്, പബ്ലിക്കേഷന്‍ ഡിപ്പാര്‍ട്ട്‌മെന്റ് തുടങ്ങിയ വിഭാഗങ്ങളിലും ദേശീയപതാക ഉയര്‍ത്തി.
