മുക്കം: ആസാദി കാ അമൃതോത്സവത്തിന്റെ ഭാഗമായി പി.ടി.എം ഹയര്‍സെക്കന്‍ഡറി ഹൈസ്‌കൂളിലെ അധ്യാപകര്‍ക്കും പത്രപ്രവര്‍ത്തകര്‍ക്കും കുടുംബങ്ങള്‍ക്കും 75ാമത് സ്വാതന്ത്ര്യ ദിനത്തില്‍ ഉയര്‍ത്താനുള്ള ദേശീയ പതാക വിതരണം ചെയ്ത് പി.ടി.എം സ്‌കൂളിലെ പൂര്‍വ വിദ്യാര്‍ഥി കൂട്ടായ്മ. സ്‌കൂളിലെ 1982 പ്രഥമ ബാച്ച് കൂട്ടായ്മയുടെ ജനറല്‍ സെക്രട്ടറി മുസ്തഫ തേലീരി, പി.ടി.എം സ്റ്റാഫ് സെക്രട്ടറി നാസര്‍ മാസ്റ്റര്‍ക്ക് പതാക നല്‍കി ഉദ്ഘാടനം ചെയ്തു. മുക്കം മേഖലയിലെ പത്രപ്രവര്‍ത്തകര്‍ക്കുള്ള പതാക മുക്കം പ്രസ് ഫോറം പ്രതിനിധി ഫൈസല്‍ പുതുക്കുടിക്ക് സദന്‍ കാരക്കുറ്റി കൈമാറി. ആദ്യ ബാച്ച് കൂട്ടായ്മക്കുള്ള പതാക നിശാല്‍ ഇബന് ഗുലാമിന് മണക്കാടി അബ്ദുറഹ്മാനും കൈമാറി. പി.ടി.എ പ്രസിഡന്റ് എസ്.എ നാസര്‍ അധ്യക്ഷത വഹിച്ചു. ഗുലാം ഹുസൈന്‍ കൊളക്കാട് മുഖ്യ പ്രഭാഷണം നടത്തി. പ്രധാന അധ്യാപകന്‍ ജി .സുധീര്‍, അബ്ദുറഹിമാന്‍ മണക്കാടി, സദാനന്ദന്‍ കാരക്കുറ്റി, കെ കുട്ടി ഹസ്സന്‍ എന്നിവര്‍ സംസാരിച്ചു. പി.ടി.എ ഹയര്‍ സെക്കന്‍ഡറി പ്രിന്‍സിപ്പാള്‍ സി.എം ഷിജു നന്ദി പറഞ്ഞു.
