പാലക്കാട്: ചിറ്റിലഞ്ചേരിയില്‍ യുവതിയെ കഴുത്ത് ഞെരിച്ച് കൊന്ന് യുവാവ്. കോന്നല്ലൂര്‍ ശിവദാസന്റെ മകള്‍ സൂര്യ പ്രിയ(24)യാണ് മരിച്ചത്. കൊലപാതകത്തിന് ശേഷം അഞ്ചുമൂര്‍ത്തിമംഗലം അണക്കപ്പാറ സ്വദേശി സുജീഷ് ആലത്തൂര്‍ പോലിസ് സ്റ്റേഷനിലെത്തി കീഴടങ്ങി. ഇന്ന് രാവിലെയാണ് സംഭവം.
സൂര്യപ്രിയ സ്വന്തം വീട്ടില്‍ വെച്ചാണ് കൊല്ലപ്പെട്ടത്. സുജീഷും സൂര്യപ്രിയും തമ്മില്‍ പ്രണയത്തിലായിരുന്നെന്ന് പോലിസ് പറഞ്ഞു. ഇരുവരും തമ്മിലുണ്ടായ അഭിപ്രായ വ്യത്യാസമാണ് കൊലപാതകത്തിലേക്ക് നയിച്ചതെന്നാണ് സൂചന.
പോലിസ് വീട്ടിലെത്തിയപ്പോഴാണ് കൊലപാതകത്തെ കുറിച്ച് വീട്ടുകാര്‍ വിവരം അറിഞ്ഞത്. ഡി.വൈ.എഫ് .ഐ യൂണിറ്റ് സെക്രട്ടിയായിരുന്നു സൂര്യപ്രിയ.
