തലശ്ശേരി: പ്രാര്‍ത്ഥനാ മുഖരിതമായ അന്തരീക്ഷത്തില്‍ ശ്രീ ജഗന്നാഥ ക്ഷേത്രത്തില്‍ ഇല്ലംനിറ ചടങ്ങ് നടന്നു ഇന്ന് രാവിലെ 9:30നും 10.25നും ഇടയിലുള്ള മുഹൂര്‍ത്തത്തിലായിരുന്നു ചടങ്ങ്. നെല്ലിന്റെ കതിര്‍ക്കറ്റകള്‍ ക്ഷേത്രത്തിെലത്തിച്ചു പൂജിച്ച് ജഗന്നാഥന് സമര്‍പ്പിക്കുന്നതാണ് ഇല്ലംനിറ. പൂജിച്ച കതിരുകള്‍ ഭക്തര്‍ക്ക് പ്രസാദമായി വിതരണം ചെയ്തു. മേല്‍ശാന്തി സബീഷ്, വിനു ശാന്തി, ശശി ശാന്തി, സെല്‍വന്‍ ശാന്തി, ലജീഷ് ശാന്തി തുടങ്ങിയവര്‍ ചടങ്ങുകള്‍ക്ക് നേതൃത്വം നല്‍കി. ശ്രീ ജ്ഞാനോദയ യോഗം പ്രസിഡന്റ് അഡ്വ: കെ. സത്യന്‍, യോഗം ഡയറക്ടര്‍മാര്‍ തുടങ്ങിയവര്‍ പങ്കെടുത്തു.
