കൊച്ചി: മോശം കലാവസ്ഥ കാരണം കരിപ്പൂരില്‍ ഇറങ്ങേണ്ട വിമാനം കൊച്ചിയില്‍ ലാന്‍ഡ് ചെയ്തു. സ്‌പൈസ് ജെറ്റിന്റെ ദുബൈ-കരിപ്പൂര്‍ വിമാനമാണ് കൊച്ചിയില്‍ ലാന്‍ഡ് ചെയ്യേണ്ടിവന്നത്. ഇപ്പോഴും വിമാനത്തില്‍ തുടരുന്ന യാത്രക്കാരോട് റോഡ് മാര്‍ഗം പോകാനാണ് എയര്‍ലൈന്‍ അധികൃതര്‍ നല്‍കുന്ന നിര്‍ദേശം. എന്നാല്‍, ഇതേ വിമാനം 12മണിക്ക് കരിപ്പൂരിലേക്ക് തിരിക്കുമെന്ന് എയര്‍ലൈന്‍ അധികൃതര്‍ അറിയിച്ചു.
ദുബൈയില്‍ നിന്ന് ഇന്നലെ രാത്രി പുറപ്പെട്ട വിമാനം കരിപ്പൂരിലെത്തി ആകാശത്ത് മൂന്നു തവണ നിരീക്ഷിച്ച ശേഷമാണ് ഇറക്കാന്‍ കഴിയാതെ കൊച്ചിയിലേക്ക് തിരിച്ചുവിട്ടത്.
