കോഴിക്കോട്: ഐ.ഐ.ടികള്‍, ആര്‍ക്കിടെക്ചര്‍ സ്‌കൂളുകള്‍, മറ്റ് എന്‍.ഐ.ടികള്‍ തുടങ്ങിയ സ്ഥാപനങ്ങളില്‍ നിന്നുള്ള കടുത്ത മത്സരം ഉണ്ടായിരുന്നിട്ടും എന്‍.ഐ.ടി കാലിക്കറ്റ് ആര്‍ക്കിടെക്ചറില്‍ എന്‍.ഐ.ആര്‍.എഫ് റാങ്ക് രണ്ടില്‍ നിലനിര്‍ത്തി. ആര്‍ക്കിടെക്ചര്‍ സ്ട്രീമില്‍, അധ്യാപനവും ഗവേഷണവുമായി ബന്ധപ്പെട്ട എല്ലാ പ്രധാന റാങ്കിങ് പാരാമീറ്ററുകളിലും അതിന്റെ സ്‌കോര്‍ മെച്ചപ്പെടുത്തിയിട്ടുണ്ട്. എഞ്ചിനീയറിങ് സ്ട്രീമില്‍, കഴിഞ്ഞ വര്‍ഷത്തെ അപേക്ഷിച്ച് ആറ് സ്ഥാനങ്ങള്‍ താഴേക്ക് പോയെങ്കിലും എന്‍.ഐ.ടികളില്‍ എന്‍.ഐ.ടി.സി അതിന്റെ അഞ്ചാം സ്ഥാനം നിലനിര്‍ത്തി.
പകര്‍ച്ചവ്യാധിയുടെ പ്രതികൂല സാഹചര്യങ്ങളില്‍പ്പോലും എന്‍.ഐ.ടി കാലിക്കറ്റ് റാങ്കിങ്ങിനായി ഉപയോഗിക്കുന്ന മൊത്തത്തിലുള്ള സ്‌കോര്‍ അല്‍പം മെച്ചപ്പെടുത്തിയിട്ടുണ്ട്. സമീപകാലത്ത് പ്രസിദ്ധീകരിച്ച റാങ്കിങ്ങില്‍ നിരീക്ഷിക്കുന്നത് പോലെ, ചില പുതിയ ഐ.ഐ.ടികള്‍ ഉയര്‍ന്ന റാങ്ക് നേടുന്നത് എഞ്ചിനീയറിങ് സ്ട്രീമില്‍ എന്‍.ഐ.ടി കാലിക്കറ്റിന്റെ റാങ്കിങ്ങില്‍ വീഴ്ച വരുത്തിയ ഒരു ഘടകമാണ്. സംസ്ഥാനത്ത് മഹാമാരിയുടെ ഒന്നിലധികം തരംഗങ്ങള്‍ കാരണം ലബോറട്ടറി അടച്ചിടേണ്ടി വന്നിരുന്നെങ്കിലും പ്രസിദ്ധീകരണത്തിന്റെ ഗുണനിലവാരത്തിലും അളവിലും ഗവേഷണ ഫലങ്ങള്‍ 5% മെച്ചപ്പെട്ടു. ഇന്‍സ്റ്റിറ്റ്യൂട്ടിന് അതിന്റെ സ്‌കോര്‍ മെച്ചപ്പെടുത്താനും കഴിഞ്ഞു . മാനേജ്മെന്റ് സ്ട്രീമിനായുള്ള എന്‍.ഐ.ആര്‍.എഫ് റാങ്കിങില്‍ ആദ്യമായി എന്‍.ഐ.ടി കാലിക്കറ്റ്പങ്കെടുക്കുകയും 44.3 സ്‌കോറോടെ 84-ാം സ്ഥാനം നേടുകയും ചെയ്തു.
എന്‍.ഐ.ടി കാലിക്കറ്റ് അടുത്തിടെ ഫാക്കല്‍റ്റി റിക്രൂട്ട്മെന്റ് പൂര്‍ത്തിയാക്കി. തുടര്‍ച്ചയായ മൂന്ന് റിക്രൂട്ട്മെന്റ് സൈക്കിളുകളിലൂടെ, 2018, 2020, 2022 വര്‍ഷങ്ങളില്‍ നല്ലൊരു വിഭാഗം യുവ ഫാക്കല്‍റ്റി അംഗങ്ങള്‍ ഇന്‍സ്റ്റിറ്റ്യൂട്ടില്‍ ചേര്‍ന്നു. എന്‍.ഐ.ആര്‍.എഫ്റാങ്കിങ്‌ മൂല്യനിര്‍ണ്ണയത്തിനായി മുന്‍ മൂന്ന് വര്‍ഷത്തെ ഡാറ്റ പരിഗണിക്കുന്നതിനാല്‍, ഈ റിക്രൂട്ട്മെന്റുകളുടെ ഫലം വരും വര്‍ഷങ്ങളില്‍ റാങ്കിങ്ങിന്റെ എല്ലാ പാരാമീറ്ററുകളിലും പ്രതിഫലിക്കുമെന്ന് പ്രതീക്ഷിക്കുന്നlതായിഡയറക്ടര്‍, പ്രൊഫ.പ്രസാദ് കൃഷ്ണ വാര്‍ത്താസമ്മേളനത്തില്‍ പറഞ്ഞു.
