മുംബൈ: ഐ.സി.സി ടെസ്റ്റ് റാങ്കിങ്ങില്‍ നാല് സ്ഥാനങ്ങള്‍ നഷ്ടമായി ഇന്ത്യയുടെ സ്റ്റാര്‍ ബാറ്റ്‌സ്മാന്‍ വിരാട് കോഹ്‌ലി. പുതിയ റാങ്കിങ് പ്രകാരം 13ാം സ്ഥാനത്താണ് മുന്‍ നായകന്‍ കൂടിയായ വിരാട് കോഹ്‌ലി.
ഫോമില്ലായ്മ വേട്ടയാടുന്ന താരം ഇത്തവണ ഫോം വീണ്ടെടുക്കുമെന്ന് ആരാധകര്‍ കരുതിയെങ്കിലും നിരാശപ്പെടുത്തുന്നതായിരുന്നു താരത്തിന്റെ പ്രകടനം. ഇതോടെയാണ് താരം ടെസ്റ്റ് റാങ്കിങ്ങില്‍ വീണത്. ടെസ്റ്റ് റാങ്കിങ്ങില്‍ ആറു വര്‍ഷത്തിനു ശേഷമാണ് കോഹ്‌ലി ആദ്യ പത്ത് സ്ഥാനത്തിനു പുറത്താവുന്നത്.
