ഷാര്‍ജ: ദര്‍ശന കലാ സാംസ്‌കാരിക വേദിയുടെ ആഭിമുഖ്യത്തില്‍ ഷാര്‍ജ ഇന്ത്യന്‍ അസോസിയേഷനില്‍ ശൈഖ് ഖലീഫ ബിന്‍ സായിദ് അല്‍ നഹ്യാന്‍ അനുസ്മരണാര്‍ത്ഥം സൗജന്യ മെഡിക്കല്‍ ക്യാംപ് സംഘടിപ്പിക്കുന്നു. ജൂണ്‍ 19 ഞായറാഴ്ച്ച രാവിലെ ഒന്‍പത് മണി മുതല്‍ ഉച്ചയ്ക്ക് ഒരു മണിവരെയാണ് ക്യാംപ് ഉണ്ടായിരിക്കുക. നേത്രപരിശോധന, വൈദ്യപരിശോധന തുടങ്ങി പ്രമുഖ ആരോഗ്യ സ്ഥാപനങ്ങളുടെ സഹകരണത്തോടേയാണ് ക്യാംപ് സംഘടിപ്പിക്കുന്നതെന്ന് ദര്‍ശന രക്ഷാധികാരി പുന്നക്കന്‍ മുഹമ്മദലി, പ്രസിഡന്റ് സി.പി .ജലീല്‍, ജനറല്‍ സെക്രട്ടറി അഖില്‍ദാസ്, കണ്‍വീനര്‍ വീണ ഉല്യാസ് അറിയിച്ചു.
