കൊച്ചി: രാജ്യത്ത് വാണിജ്യ സിലിണ്ടറിന്റെ വില കുറച്ചു. 19 കി.ഗ്രാം സിലിണ്ടറിന് 134 രൂപയാണ് കുറച്ചത്. ഇതോടെ 2,223.50 രൂപയാണ് കൊച്ചിയിലെ വില. എന്നാല്‍, വീടുകളില്‍ ഉപയോഗിക്കുന്ന പാചകവാതക സിലിണ്ടറുകള്‍ക്ക് വിലയില്‍ മാറ്റമില്ല.
മേയ് ഒന്നിന് വാണിജ്യ സിലിണ്ടറിന് 100 രൂപ കൂട്ടിയിരുന്നു. വാണിജ്യ ആവശ്യത്തിനുള്ള 19 കിലോ സിലിണ്ടറുകളുടെ വില 102.50 രൂപ കഴിഞ്ഞ മാസം വര്‍ധിപ്പിച്ചിരുന്നു. ഇതോടെ സിലിണ്ടറുകളുടെ വില 2253 രൂപയില്‍ നിന്ന് 2355.50 രൂപയായി ഉയര്‍ന്നിരുന്നു. ഇതില്‍ നിന്നും 134 രൂപയാണ് ഇപ്പോള്‍ കുറച്ചിരിക്കുന്നത്.
