കോട്ടയ്ക്കൽ: കോട്ടയ്ക്കൽ ആര്യവൈദ്യശാല മുൻ മാനേജിംഗ് ട്രസ്റ്റി പി.കെ.വാരിയരുടെ പത്നി മാധവിക്കുട്ടി.കെ.വാരിയരുടെ പ്രഥമ കവിതാ സമാഹാരമായ ‘പ്രതിഷ്ഠ’ ഇന്ന് വൈകിട്ട് 4 മണിക്ക് കൈലാസമന്ദിര പരിസരത്ത് നടക്കുന്ന ചടങ്ങിൽ പ്രശസ്ത കവി പി.പി.ശ്രീധരനുണ്ണി വി.എം.ഗിരിജക്ക് നൽകി പ്രകാശനം ചെയ്യും. ആര്യവൈദ്യശാല മാനേജിംഗ് ട്രസ്റ്റി ഡോ.പി.എം.വാരിയർ അധ്യക്ഷത വഹിക്കും. ഡോ.പി.കെ.വാരിയർ അനുസ്മരണ പുസ്തകാവലി ഉൽഘാടനം ആര്യവൈദ്യശാല മുൻ ജനറൽ മാനേജർ കെ.കെ.വാരിയർ നിർവ്വഹിക്കും. പുസ്തക പരിചയം പ്രൊഫ.ഞായത്ത് ബാലനും, ആര്യവൈദ്യശാല സിഇഒ ഡോ.ജി.സി.ഗോപാലപ്പിള്ള ആമുഖ ഭാഷണവും നിർവ്വഹിക്കും.
ഡോ.കെ.ജി.പൗലോസ്, ഡോ.എം.ആർ.രാഘവ വാരിയർ പ്രഭാഷണം നടത്തും. അഡീഷണൽ ചീഫ് ഫിസിഷ്യൻ ഡോ.കെ.ബാലചന്ദ്രൻ സ്വാഗതവും, ചീഫ് എഡിറ്റർ ഡോ.കെ.മുരളി നന്ദിയും പറയും. കോട്ടക്കൽ സന്തോഷ് പ്രാർത്ഥനാ ഗീതം ആലപിക്കും.
