സഹകരണമേഖലയിൽ 2019-20 വർഷത്തെ മികച്ച പ്രവർത്തനത്തിനുള്ള സഹകരണമന്ത്രിയുടെ പ്രത്യേകപുരസ്‌കാരം (മിനിസ്റ്റേഴ്സ് ട്രോഫി) ഊരാളുങ്കൽ ലേബർ കോൺട്രാക്ട് സഹകരണസംഘം വൈസ് ചെയർമാൻ വി.കെ. അനന്തന് സഹകരണമന്ത്രി വി. എൻ. വാസവൻ സമ്മാനിച്ചു. ഒരുലക്ഷം രൂപയും ഫലകവും അടങ്ങുന്നതാണ് അവാർഡ്. സഹകരണവാരാഘോഷത്തിന്റെ സമാപന സമ്മേളനത്തിലാണ് പുരസ്‌കാരം സമ്മാനിച്ചത്.
സംസ്ഥാന സഹകരണയൂണിയൻ ചെയർമാൻ കോലിയക്കോട് എൻ കൃഷ്ണൻനായർ, അംഗം കെ കെ നാരായണൻ,കൺസ്യൂമർ ഫെഡ് ചെയർമാൻ എം മെഹബൂബ്, വടകര നഗരസഭാ ചെയർമാൻ ഷഫീഖ് വടക്കയിൽ, സഹകരണ സംഘം രജിസ്ട്രാർ പി ബി നൂഹ്, അഡീഷണൽ രജിസ്ട്രാർ അനിത ടി ബാലൻ, കേരള ബാങ്ക് ഡയറക്ടർ ഇ രമേശ് ബാബു, കേരള ബാങ്ക് റീജണൽ മാനേജർ അബ്ദുൾ മുജീബ്, യു.എൽ.സി.സി.എസ്. ഡയറക്ടർ എം. പദ്മനാഭൻ, മാനേജിങ് ഡയറക്ടർ എസ്. ഷാജു, അസി. സെക്രട്ടറി കെ.പി. ഷാബു, ജിഎം (പ്രൊജക്ട്‌സ്) റ്റി.പി. രാജീവൻ തുടങ്ങിയവർപങ്കെടുത്തു.
