കോഴിക്കോട്: പീപ്പിൾസ് ഫൗണ്ടേഷനുമായി സഹകരിച്ച് എസ്.ഐ.ഒ കേരള നടത്തുന്ന വിദ്യാഭ്യാസ സ്‌കോളർഷിപ്പ് വിതരണം പീപ്പിൾസ് ഫൗണ്ടേഷൻ ചെയർ മാൻ എം കെ മുഹമ്മദ് അലി ഉദ്ഘാടനം ചെയ്തു. ഉന്നതവിദ്യാഭ്യാസ മേഖലയിൽ പഠിക്കുന്ന വിദ്യാർത്ഥികൾക്കുള്ള സ്‌കോളർഷിപ്പുകളാണ് വിതരണം ചെയ്തത്. കോഴിക്കോട് വിദ്യാർത്ഥി ഭവനം ഹാളിൽ നടന്ന പരിപാടിയിൽ എസ്.ഐ.ഒ സംസ്ഥാന സെക്രട്ടറി മുഹമ്മദ് സഈദ് ടി കെ അദ്ധ്യക്ഷത വഹിച്ചു. ‘ഗവേഷണത്തിന് ഒരു ആമുഖം’ എന്ന വിഷയത്തിൽ ഹൈദരാബാദ് സെൻട്രൽ യൂണിവേഴ്‌സിറ്റി റിസർച്ച് സ്‌കോളർ ഇർഫാൻ കെ സി, എസ്.ഐ.ഒ സംസ്ഥാന കമ്മിറ്റി അംഗം അബ്ദുൽ ജബ്ബാർ ആലങ്കോൾ, പീപ്പിൾസ് ഫൗണ്ടേഷൻ പ്രൊജക്റ്റ് കോർഡിനേറ്റർ മുഹമ്മദലി വേളം തുടങ്ങിയവർ സംസാരിച്ചു.
