കോഴിക്കോട് : ജോസ് കെ മാണിയുടെ നേതൃത്വത്തിന് യൂത്ത് ഫ്രണ്ട് കോഴിക്കോട് സൗത്ത് നിയോജകമണ്ഡലം കമ്മറ്റി പിന്തുണ പ്രഖ്യാപിച്ചു. യു.ഡിഎഫ് മുന്നണിയിൽ 38വർഷം പ്രവർത്തിക്കുകയും, മുന്നണി കെട്ടിപ്പടുക്കുന്നതിൽ പ്രധാന പങ്ക് വഹിച്ച കെ.എം മാണിസാറിന്റെ പാർട്ടിയെ, ഹ്യദയബന്ധം മുറിച്ചുകൊണ്ട് യുഡിഎഫിൽ നിന്നും പുറത്താക്കിയ നടപടി ദുഃഖകരവും, വേദനാജനകവുമാണെന്നും പുറത്താക്കിയ നടപടിയിൽ ശക്തിയായ പ്രതിഷേധവും കമ്മറ്റി രേഖപ്പെടുത്തി. യൂത്ത് ഫ്രണ്ട് ജില്ലാ വൈസ് പ്രസിഡന്റ് പി.പി ഫിറോസ്, പി.പി നിഷാദ്, ഫൈസൽ കോളങ്ങര, വസീം അക്രം, പി.സതീശൻ, കെ.സാബിറ സംസാരിച്ചു.
