പ്രധാനപ്പെട്ട വ്യക്തികളുടെ അക്കൗണ്ടുകള്‍ വീബോയില്‍ നീക്കം ചെയ്യുക എളുപ്പമല്ല. ഇതുവരെ 115 പോസ്റ്റുകളാണ് പ്രധാനമന്ത്രിയുടേതായി വീബോയിലുളളത്. ഇവ ഓരോന്നും മാന്വലായി നീക്കം ചെയ്യുകയാണ് ചെയ്തത്. 113 പോസ്റ്റുകള്‍ മാത്രമാണ് ഇതുവരെ നീക്കം ചെയ്യാന്‍ സാധിച്ചിരിക്കുന്നത്.
യുസി ബ്രൗസര്‍, ക്യാം സ്‌കാനര്‍, ഹലോ എന്നിവയുള്‍പ്പെടെയുള്ള 59 മൊബൈല്‍, ഇന്റര്‍നെറ്റ് ആപ്ലിക്കേഷനുകള്‍ കഴിഞ്ഞദിവസമാണ് കേന്ദ്ര ഐടി മന്ത്രാലയം നിരോധിച്ചത്. രാജ്യത്തിന്റെ പരമാധികാരത്തിനും അഖണ്ഡതയ്ക്കും സുരക്ഷയ്ക്കും ഭീഷണിയാകുന്ന പശ്ചാത്തലത്തിലാണ് ആപ്പുകള്‍ നിരോധിച്ചത്. ജൂണ്‍ 15നു ലഡാക്കില്‍ നടന്ന ഏറ്റുമുട്ടലില്‍ 20 ഇന്ത്യന്‍ സൈനികര്‍ വീരമൃത്യു വരിച്ചിരുന്നു. നാല്‍പതിലേറെ ചൈനീസ് സൈനികരും കൊല്ലപ്പെട്ടെന്നാണു റിപ്പോര്‍ട്ട്. സംഘര്‍ഷത്തിനു പിന്നാലെ ‘ബോയ്‌കോട്ട് ചൈന’ പ്രചാരണം ഇന്ത്യയില്‍ ശക്തമായിരുന്നു.
