ദുബൈ : ഒന്നര വർഷം മുൻപ് ജോലി തേടി ദുബായിൽ എത്തിയ ഷഫീക്ക് സ്ഥിര ജോലി തരപ്പെടുത്താൻ സാധിക്കാതെ ബുദ്ധിമുട്ടുകയായിരുന്നു. ഷെഫീക്കിന്റെ കുടുംബം ബുദ്ധിമുട്ടുകൾ കോഴിക്കോട് എം പി എം.കെ.രാഘവനെ അറിയിച്ചതിന്റെ അടിസ്ഥാനത്തിൽ എം.കെ. രാഘവൻ ഈ വിഷയം ഇൻകാസ് യു.എ.ഇ സെൻട്രൽ കമ്മറ്റിയെ അറിയിക്കുകയായിരുന്നു. അതനുസരിച്ച് ഇൻകാസ് ഷാർജ കമ്മറ്റി ഷെഫീക്കിന് ടിക്കറ്റ് നൽകാൻ സന്നദ്ധത അറിയിച്ചു.
ഷാർജയിൽ വച്ച് ഇൻകാസ് ഭാരവാഹികൾ ഷെെഫീക്കിന് ടിക്കറ്റ് കൈമാറി ഇൻകാസ് യു.എ.ഇ പ്രസിഡന്റ് ടി.എ.രവീന്ദ്രൻ ,ജനറൽ സെക്രട്ടറി പുന്നക്കൻ മുഹമ്മദലി , ഇൻകാസ് ഷാർജ പ്രസിഡന്റ് വൈ.എ. റഹീം , വർക്കിംഗ് പ്രസിഡന്റ് ബിജു എബ്രഹാം , സി.പി. ജലീൽ , മധു.എ.വി, അബ്ദുൽ മനാഫ് , സാം വർഗീസ് , ഫ്ലൈ വിത്ത് ഇൻകാസ് ചീഫ് കോഓർഡിനേറ്റർ മുനീർ കുമ്പള എന്നിവർ സന്നിഹതരായിരുന്നു .
